Бәллүр язмыш

Бәллүр, бәллүр, бәллүр язмыш
Чыңлап ватыла.
Ятимлекне насыйп итмә
Балам хакына.

Тәкъдир, тәкъдир, бәллүр түгел —
Үтә күренми.
Әле дә ярый киләчәгең
Алдан беленми.

Бәллүр, бәллүр, бәллүр тамчы —
Балам күзләре.
Мәңгелеккә хәтеремдә
Анам сүзләре

Тәкъдир, тәкъдир, бәллүр түгел —
Үтә күренми.
Әле дә ярый киләчәгең
Алдан беленми.

Бәллүр, бәллүр, бәллүр хәреф
Тәкъдир ташында.
Әй, Тәңерем, салма кайгы
Газиз башыма.

Тәкъдир, тәкъдир, бәллүр түгел —
Үтә күренми.
Әле дә ярый киләчәгең
Алдан беленми.