Ялгызым урамнар урадым,
Ятларга серләрем сөйләдем.
Күңелем хис тулы булса да,
Мин әле беркемне сөймәдем.
Буранлы төннәрдә адашып,
Ялгызым урамнар урадым.
Әгәр мин моңайган кешене очратсам,
Сөйгәнем килә дип уйладым.
Мин һаман ышанам язмышка,
Син миңа барыбер очрарсың,
Син минем канатка пар булып,
Мәхәббәт иленә очарсың.
Буранлы төннәрдә адашып,
Ялгызым урамнар урадым.
Әгәр мин моңайган кешене очратсам,
Сөйгәнем килә дип уйладым.