Их, авылым таңнары

Категория: көе сүзләре

Кайттым туган якларыма
Җырчы кошлар кайтканда,
Кошлар моңына күмелеп,
Таңнар сызылып атканда.

Их, авылым таңнары,
Сызылып атулары.
Сандугачның чут-чут итеп,
Сайрап уятулары.

Әрәмәлек эчләреннән
Челтер чишмә үтәдер,
Челтер чишмә буйларында
Иркәм мине көтәдер.

Их, авылым таңнары,
Сызылып атулары.
Сандугачның чут-чут итеп,
Сайрап уятулары.

Аны да шул таң кошлары
Сайрап уятты микән?
Сайрар кошлардай талпынып
Каршыма чыккан иркәм.

Их, авылым таңнары,
Сызылып атулары.
Сандугачның чут-чут итеп,
Сайрап уятулары.

Ваша оценка: Нет Рейтинг: 10 (2 голоса)
« »