Сандугачым — былбылым (беренче вариант)

Категория: көе сүзләре

Тал арасы, тал арасы,
Талда тургай баласы.
Сагынганда яннарыңа
Очып кына барасы.

Сандугачым-былбылым,
Зарыктырдың, күз нурым.
Ялгызлыктан гынадыр
Болай моңсу булуым.

Сокланасы, таң каласы:
Талларда таң карасы.
Сагынганда тыным белән
Тартып кына аласы.

Сандугачым-былбылым,
Зарыктырдың, күз нурым.
Ялгызлыктан гынадыр
Болай моңсу булуым.

Тал арасы, таң карасы,
Миндә йөрәк ярасы.
Икәүләшеп табаекчы,
Кавышулар чарасын.

Сандугачым-былбылым,
Зарыктырдың, күз нурым.
Ялгызлыктан гынадыр
Болай моңсу булуым.

Ваша оценка: Нет Рейтинг: 7.7 (15 голосов)
Бу җыр репертуарында бар « »