Соңгы яфрак (беренче вариант)

Җил очыра, аера яфракларны,
Ташлый суга, илтә учакка.
Кеше язмышлары, тормыш көзе
Чагылып китә миңа шул чакта.

Өй каршында ялгыз каен тора,
Бер яфрагы калган үзенең.
Җилләр исә, яңгыр-карлар ява,
Ләкин төшми яфрак өзелеп.

Кайдан килә шундый яшәү көче,
Бәйләнеше туган туфракка?!
Кыш буе күз алдымда тора,
Мин сокланам соңгы яфракка.

Ваша оценка: Нет Рейтинг: 9.7 (3 голоса)
« »