Нинди матур таңнары ла
Кайтып килеш яннарыңнан.
Очар коштай алгысынам,
Нидер булды җаннарыма.
Кыйгач, кыйгач кашкайларың,
Көләч, көләч күзкәйләрең!
Әйләндерде башларымны
«Сөям!» — дигән сүзкәйләрең.
Ничек сине караттым ла?
Ничек мине яраттың ла?
«Мин дә сине сөям!» — диеп,
Шикләремне тараттың ла!
Кыйгач, кыйгач кашкайларың,
Көләч, көләч күзкәйләрең!
Әйләндерде башларымны
«Сөям!» — дигән сүзкәйләрең.
Иркәлидер күзләремне
Якты көннең гүзәллеге.
Кичкә кадәр сине күрми
Ничек кенә түзәрмендер?
Кыйгач, кыйгач кашкайларың,
Көләч, көләч күзкәйләрең!
Әйләндерде башларымны
«Сөям!» — дигән сүзкәйләрең.