Ялгыз хатын (беренче вариант)

Ялгыз хатын, ялгыз каен,
Өзгәли көзне җилләр.
Яфраклар иртә саргайган,
Әллә чит туган илләр.

Сыгылсаң да, сына күрмә,
Син бит җирнең бизәге.
Давыл узар, кояш чыгар,
Тик чак кына түз әле.

Ялгыз хатын, ялгыз каен,
Ялгыз булу кыендыр.
Янында бит сөйгәне юк,
Әй, ходаем, сыендыр.

Елар чакта емаясың,
Яшисең әрнеп көеп.
Көтәсең бердән-береңне,
Сүнмәгән өмет кебек.

Ваша оценка: Нет Рейтинг: 9.8 (13 голосов)
« »