Һаман көтәсең

Бер кайтырбыз диеп киткән юлдан
Китсәләр дә алар кайтмады.
Алар өчен бары жилләр генә
Ачып-ябып йөрде капканы.

Алар өчен янды ялгыз гына,
Күз нурларын сирпеп еракка.
Тик ил өчен, геройларча, дигән
Хәбәр генә кайтты бу якка.

Хәбәр генә кайтты бу якларга
Ядкарь булып газиз анага…
Һәм ир даны кайтты югалмыйча,
Мәңгелек ут булып янарга.

Ваша оценка: Нет Рейтинг: 7.4 (13 голосов)
« »