Арча

Арча якларына карыйм,
Дустым Арча ягында.
Арча ягы бигрәк матур
Кош сайраган чагында.

Арчаларга барсаң, бәгырем,
Ал гөлләрне өзәрсең.
Үзәгемне бик өзәсең,
Үзең ничек түзәсең?

Китәм, бәгырем, китәм, бәгырем,
Каласың Арчаларда.
Онытырлык ярым түгел,
Утларга салсалар да.

Арчаларга баруларым
Гөл-сирень өчен генә.
Януларым, көюләрем
Гел синең өчен генә.

Ваша оценка: Нет Рейтинг: 9.2 (16 голосов)
Бу җыр репертуарында бар « »