Диләфрүз

/«Диләфрүзгә дүрт кияү» пьесасыннан/

Зифа буең, тал-тирәккә пар икән,
Талдан болай нечкә билең бар икән,
Зифа буең тиңнәр өчен, Диләфрүз,
Нечкә билең кемнәр өчен, Диләфрүз?

Кашың — җәя, керфекләрең ук икән,
Сүзең — ялкын, елмаюың ут икән,
Ук кадалды йөрәгемә, Диләфрүз,
Ут кабынды йөрәгемә, Диләфрүз.

Күзкәйләрең диңгезләргә тиң икән,
Ай янымда Зөһрә йолдыз син икән,
Күз тимәсен күзләреңә, Диләфрүз,
Яшь коярмын эзләреңә, Диләфрүз.

Ваша оценка: Нет Рейтинг: 10 (1 голос)
« »