Оныта алмасам, нишләрмен

Сөн буйлары бөдрә урман,
Агыйделләргә җиткән.
Сөн буйларын, Чишмә авылын
Ник барып күрдем икән?!

Бер гүзәлен сагынам Чишмәнең,
Оныталмасам аны, нишләрмен?!

Нигә туып үсмәгәнмен
Шул Чишмә якларында?!
Елмаюын күрер идем
Очрашкан чакларымда.

Бер гүзәлен сагынам Чишмәнең,
Оныталмасам аны, нишләрмен?!

Сагынуларны баса алмас
Ялкынлы хатлар гына.
Бәлки юллар илтер әле
Мәхәббәт хакларына.

Бер гүзәлен сагынам Чишмәнең,
Оныталмасам аны, нишләрмен?!

Ваша оценка: Нет Рейтинг: 9.5 (4 голоса)
« »