Ак чәчкәдәй карлар

Категория: көе сүзләре

Исеңдәме икән, ак карлар өстеннән
Ак хыяллар белән атладык.
Кулга-кул тотынып, бәхеткә йотылып,
Мәхәббәт җырларын ятладык

Ак чәчкәдәй карлар, ак чәчкәдәй карлар,
Бүген дә сагышка салалар.
Югалган ярымны, бәхетле чагымны,
Язмышны озатып баралар.

Ак карлар өстендә бәхеткә төренеп,
Назларга күмелеп аунадык
Ул карлар күптәннән эреде, югалды
Ак таллар дәрьяга әйләнеп.

Ак чәчкәдәй карлар, ак чәчкәдәй карлар,
Бүген дә сагышка салалар.
Югалган ярымны, бәхетле чагымны,
Язмышны озатып баралар.

Кайтырмын дидең дә, киттең дә югалдың
Кайтмадың яныма әйләнеп.
Бәхетле чагыңны, карларны сагынып,
Ничәнче җәйләрне җәйләдең?

Ак чәчкәдәй карлар, ак чәчкәдәй карлар,
Бүген дә сагышка салалар.
Югалган ярымны, бәхетле чагымны,
Язмышны озатып баралар.

Ваша оценка: Нет Рейтинг: 7 (2 голоса)
Бу җыр репертуарында бар « »