Зуррак үсим әле

Күңеллерәк көй ишетсәм,
Күбәләктәй очынам.
Бер урында бөтереләм,
Басып аяк очына.

Менә, зуррак үсим әле,
Кемлегемне күрерсез:
«Эх, шушы артистка кебек
Бер биесәң!» — диярсез.

Төшләремдә дә күрәмен
Сәхнәдә биегәнне.
Тамашачылар алкышлый, —
Күрсәгез сөенгәнне!

Менә, зуррак үсим әле,
Кемлегемне күрерсез:
«Эх, шушы артистка кебек
Бер биесәң!» — диярсез.

Ләкин, никтер, шул вакытта
Төшем дә бетеп китә.
«И, иң кызык җирдә генә…»
Уйлар күңелне тетә…

Менә, зуррак үсим әле,
Кемлегемне күрерсез:
«Эх, шушы артистка кебек
Бер биесәң!» — диярсез.

Ваша оценка: Нет Рейтинг: 1 (1 голос)
« »