Алты гына тулса да,
Буем кыска булса да,
Әниемә булышам —
Мактатырга тырышам.
Иртән торып урын җыям,
Савыт-сабамны юам.
Сөртеп алам тузанны,
Әй мактыйлар үземне.
Исемем минем — Гүзәл,
Бакчада үскән гөлдәй,
Әтием бар, әнием бар —
Минем бәхетем төгәл.
Иртән торып урын җыям,
Савыт-сабамны юам.
Сөртеп алам тузанны,
Әй мактыйлар үземне.
Мин үземне, әнием,
Бик тә бәхетле саныйм.
Шуңа күрә үзегезгә
Һәрчак елмаеп карыйм.
Иртән торып урын җыям,
Савыт-сабамны юам.
Сөртеп алам тузанны,
Әй мактыйлар үземне.