Көмеш тояк тулпар атым

Туп-туп кына басып килә
Көмеш тояк тулпар атым, һай!
Канатланып үзем киләм,
Җитмәс, диеп, язган хатыма

Атым килә туп-туп атлап,
Ташлы юлларны таптап, һай!
Сагынганда карар идем,
Карурман тора каплап.

Бергә чаклар искә төшә,
Казан, диеп бер җырласам, һай!
Кемне сагынып җырлар идем,
Казаннарда син булмасаң.

Туп-туп кына басып килә
Көмеш тояк тулпар атым, һай!
Канатланып үзем киләм,
Җитмәс, диеп, язган хатым.

Ваша оценка: Нет Рейтинг: 9.8 (6 голосов)
Бу җыр , репертуарында бар « »