Син һаман да унсигездә кебек

Син һаман да унсигездә кебек,
Син һаман да шулай сөйкемле,
Чәчләреңне тик шаярып кына
Акка буягансың шикелле.

Яшьлек узды, сизми калдым, дисең,
Сүзкәйләрең дөрес түгел лә;
Яшерен генә дөрләп янар өчен
Качып калган бит ул күңелдә.

Син һаман да унсигездә кебек,
Син һаман да шулай ягымлы.
Күзләреңдә мин әле дә күрәм
Мәхәббәтле тәүге язымны.

Ваша оценка: Нет Рейтинг: 5.5 (2 голоса)
Бу җыр , репертуарында бар
« »