Күңелдә шатлыклар кабына

Без кемнән ким әле бу якты дөньяда,
Бер дигән бит әле хәлебез.
Кайгырмыйк әле без кайгыга үч итеп,
Юкка да борчылмыйк әле без!

Сөенеч җилләре янәшә,
Күңелдә шатлыклар кабына.
Зарланмыйк әле без дөньядан,
Теләсәң, шатлыклар табыла.

Охшатмыйк әле без сагышны сарыга,
Кайгыга охшатмыйк караны.
Кайгылар белән дә, хәсрәтләр белән дә
Өзәргә вакыттыр араны.

Сөенеч җилләре янәшә,
Күңелдә шатлыклар кабына.
Зарланмыйк әле без дөньядан,
Теләсәң, шатлыклар табыла.

Шатланыйк әле без шатлыкны үз итеп,
Дөньяга сабыйдай сокланыйк.
Юк кына кайгыга кайгырып, борчылып,
Кимсенеп яшәүдән сакланыйк!

Сөенеч җилләре янәшә,
Күңелдә шатлыклар кабына.
Зарланмыйк әле без дөньядан,
Теләсәң, шатлыклар табыла.

Ваша оценка: Нет Рейтинг: 8.8 (6 голосов)
Бу җыр репертуарында бар « »