Төштә күрдем

Категория: көе сүзләре

Көннәр буе сине уйлап йөрдем,
Көннәр буе уйлар эчендә.
Көндез истә, төнлә төштә күрдем,
Төштем микән әллә исеңә?

Шау чәчәкле урман арты, имеш,
Яр буенда куе таллыклар.
Агым суда керләр чайкыйм, имеш,
Агым суда ап-ак яулыклар.

Ә син, имеш, минем хыялларда
Еллар көткән ярым икәнсең.
Ерак юлны, мине сагынганга,
Якын итеп килеп җиткәнсең.

Көннәр буе сине уйлап йөрдем,
Әллә шуңа кердең төшемә?
Әллә шуңа кердең, әллә үзең,
Алдың микән мине исеңә?..

Ваша оценка: Нет Рейтинг: 10 (2 голоса)
« »