Әлифба

Категория: көе сүзләре

Әлифбам — тормышта
Беренче баскычым:
Син — белем дөньясын
Ачучы ачкычым.

Әлифба, Әлифба,
Син минем юл башым.
Дәфтәргә төшердең
Күктәге кояшым.

Өйрәттең син мине
Хәрефләр тезәргә.
Тылсымлы хәрефләр
Әйләнде сүзләргә.

Әлифба, Әлифба,
Син минем юл башым.
Дәфтәргә төшердең
Күктәге кояшым.

Каләмем йөгерә
Мин бер сүз әйтүгә.
Дәфтәрдә бар хәзер
Әни дә, әти дә.

Әлифба, Әлифба,
Син минем юл башым.
Дәфтәргә төшердең
Күктәге кояшым.

Өйрәттең син миңа
Ватанны сөяргә
Рөхсәт ит, зур рәхмәт,
Мең рәхмәт! — дияргә.

Әлифба, Әлифба,
Син минем юл башым.
Дәфтәргә төшердең
Күктәге кояшым.

Ваша оценка: Нет Рейтинг: 8.1 (15 голосов)
« »