Җидегән йолдызның чүмече

Төнге күк гөмбәзе чалт аяз,
Йолдызлар сибелгән мәрҗәндәй.
Чүмечкә охшаган җидесе
Барыннан нурлырак җемелди.

Җәлеп итсә сине үзенә
Җидегән йолдызның чүмече
Ал әле син мине исеңә
Беркайчан мине чит итмәче.

Йолдызларны санап, йокламый
Үткәргән төннәрне онытма,
Кызыгып син башка йолдызга
Күңелеңне миннән суытма.

Җидегән йолдызларга карап
Кайтып килче бергә чакларга.
Мәхәббәт ялкынын сүндермә,
Алыштырма мине ятларга.

Ваша оценка: Нет Рейтинг: 10 (4 голоса)
Бу җыр репертуарында бар
« »