Моңландыра дөнъялары

Ходай безне башкалардан
Ныграк яраткан, бугай.
Шуңа күрә безне моңлы
Итеп яраткан бугай.

Бәлки моңаймас та идек
Язмышыбыз шундый шул
Язмышыбыз шундый булгач,
Моңланмый да булмый шул.

Моңландыра дөнъялары
Моңланмас җирләреңнән
Китеп булмас инде, дуслар,
Моң һәм җыр илләреннән.

Бездәге моң борынгыдан
Болгарлардан калган моң.
Мин дә моңны бабамнардан
Мирас итеп алганмын.

Моңланганны, сызланганны
Сизми дә кала күңел.
Моңланмаска, җырламаска
Без моңсыз бала түгел.

Безнең күңел таш түгел бит
Безнең хисләр боз түгел.
Елыйбыз да, җырлыйбыз да
Моңсыз халык без түгел.