Адашмам юлларымда

Сиңа барыр юллар урау,
Тауларны бар үтәсе.
Үр артыннан үрләр тора.
Бар бит барып җитәсе.

Йөрәгемдә тик син генә,
Хыялда, уйларымда.
Йолдызларга карап барам,
Адашмам юлларымда.

Сиңа барыр юллар урау,
Диңгезләр бар кичәсе.
Шул диңгезләрне кичкэәдә
Тозлы сулар эчәсе.

Йөрәгемдә тик син генә,
Хыялда, уйларымда.
Йолдызларга карап барам,
Адашмам юлларымда.

Карашларың әллә күктән
Йолдызлар булып яна.
Давыл-бураннарны ерып
Бәхеткә юллар ярам.

Йөрәгемдә тик син генә,
Хыялда, уйларымда.
Йолдызларга карап барам,
Адашмам юлларымда.

Ваша оценка: Нет Рейтинг: 5.7 (54 голоса)
Бу җыр репертуарында бар
« »