Чылбырдай мизгелләр

Категория: көе сүзләре

Күкеле сәгатьнең геренә түзмичә
Тип-тигез тезелгән, чылбыры өзелгән
Әйтерсең, йөрәге серенә түзмичә
Күп мизгел тезелгән, гомере өзелгән.

Сәгатьнең чылбырын ялгап була,
Үтәр заманнарны санар өчен.
Төрле мизгел һаман булып тора
Безнең гомерләрне сынар өчен.

Вакытлы килүче михнәткә түзмичә
Кемнәрнең кинәттән сабыры өзелгән.
Тормышны шулкадәр авыр дип күрмик,
Яшәгән һәм түзгән җәннәтен төзегән.

Сәгатьнең чылбырын ялгап була,
Үтәр заманнарны санар өчен.
Төрле мизгел һаман булып тора
Безнең гомерләрне сынар өчен.

Тормышның катлаулы серләрен белмичә
Үтелгән мизгелләр чылбырдай тезелгән.
Бәхеткә юнәлгән сабырны өзмичә
Өметкә таянып гомерләр үтелгән.

Сәгатьнең чылбырын ялгап була,
Үтәр заманнарны санар өчен.
Төрле мизгел һаман булып тора
Безнең гомерләрне сынар өчен.

Ваша оценка: Нет Рейтинг: 1 (1 голос)
« »