Төшләремә керә Кандагар

Сугыш бетеп күпме еллар үткән,
Әле һаман сызлый яралар.
Сөйгәннәрен көтә тугры кызлар,
Ә улларын көтә аналар.

Ачы Әфган җиле язмышларны
Телеп үтте, калды яралар.
Төшләремә керә кәһар сугыш,
Төшләремә керә Кандагар.

Әле безгә бары унтугыз яшь,
Тышта матур, тышта ямьле яз.
Кургаш яңгырлары явып үтә,
Ә күкләр соң, күкләр чалт аяз.

Ачы Әфган җиле язмышларны
Телеп үтте, калды яралар.
Төшләремә керә кәһар сугыш,
Төшләремә керә Кандагар.

Ваша оценка: Нет Рейтинг: 10 (7 голосов)
Бу җыр репертуарында бар « »