Үзем аңлап алдым

«Сиңа атап яздым бу көйне» — дип
Миңа матур Бер көй уйнадың.
Яратулы назлы караш белән
Минем йөрәгемне яуладың.

«Мин яратам аны, яратам!» — дип
Ярсып типкән иде йөрәгем,
Ә соңыннан үзем аңлап алдым,
Әсир иткән язган көйләрең.

Җыр дөньясын гына яратасың,
Аннан башка яши алмыйсың.
Күңел биреп көй уйнаган чагын
Назлы итә икән карашың.

«Мин яратам аны, яратам!» — дип
Ярсып типкән иде йөрәгем,
Ә соңыннан үзем аңлап алдым,
Әсир иткән язган көйләрең.

Язган көйләреңә соклануым
Йөрәк белән тоеп алгансың.
Миңа атап матур көй язуың —
Соклануым өчен җавабың.

«Мин яратам аны, яратам!» — дип
Ярсып типкән иде йөрәгем,
Ә соңыннан үзем аңлап алдым,
Әсир иткән язган көйләрең.