Син янымда булмагач (беренче вариант)

Категория: көе һәм сүзләре

Очраштык без таң атканда,
Ямьле Идел буенда.
Бер-беребезгә вәгъдә бирдек
Мәңге бергә булырга.

Һәр кич саен яр буенда
Йөри идек серләшеп.
Пар сандугач аяз күктә
Оча иде көнләшеп.

Яратуым билгесе дип,
Сиңа чәчкәләр өздем.
Хәтеремдә мәңге калды
Яратам дигән сүзең.

Ник син мине ташлап киттең
Язмышның кочагына.
Синең якты истәлегең
Рәсемеңдә чагыла.

Бик күп еллар үтсәләр дә,
Мин һаман сагынам сине.
Бергә булган айлы кичләр
Кабатланмаслар инде.

Җәйге кичтә сайрый ярсып
Талда ялгыз сандугач.
Минем күңелем дә бик моңсу
Син янымда булмагач.

Ваша оценка: Нет Рейтинг: 10 (2 голоса)
« »