Балачагым хатирәсе

Категория: көе һәм сүзләре

Язмышларга бәлки язылгандыр
Туган җирдән читтә яшәргә.
Күпләр кебек киттем бәхет эзләп,
Авылымнан ерак шәһәргә.

Балачагым хатирәсе булып,
Таллар моңы шаулый йөрәктә.
Шул хатирәләрне яңартып,
Сандугачлар сайрый тирәктә.

Су буенда үскән өянкеләр
Хәтерләтә балачагымны.
Сагынам челтерәп аккан чишмәләрен,
Саф һавасын туган авылымның.

Балачагым хатирәсе булып,
Таллар моңы шаулый йөрәктә.
Шул хатирәләрне яңартып,
Сандугачлар сайрый тирәктә.

Бер кайтырмын әле, туган авылым,
Гомеремнең алсу таңында.
Туфрагыңның яме, суың тәме
Йөрәгемдә мәңге саклана.

Балачагым хатирәсе булып,
Таллар моңы шаулый йөрәктә.
Шул хатирәләрне яңартып,
Сандугачлар сайрый тирәктә.

Ваша оценка: Нет Рейтинг: 7.3 (6 голосов)
« »