Белем маршы

Категория: көе һәм сүзләре

Тәүге кабат атлап мәктәп бусагасын,
Килә һәркем белем иленә.
Укырга-язарга, тормышны аңларга
Өйрәтәләр безне биредә.

Безгә белем кирәк үсәр өчен,
Безгә белем кирәк эшләр өчен.
Безгә белем кирәк, безгә белем кирәк,
Безгә белем кирәк яшәр өчен.

Белемдә ― көч диеп, юкка гына һичкем
Әйтмәгәндер, дуслар, беләмсез.
Көн дә белем алмый, бушка узган гомер
Булыр иде нинди күңелсез.

Безгә белем кирәк үсәр өчен,
Безгә белем кирәк эшләр өчен.
Безгә белем кирәк, безгә белем кирәк,
Безгә белем кирәк яшәр өчен.

Айлар-еллар үтәр, һәркем үсеп җитәр,
Басар якты тормыш юлына.
Кайда гына булсак, белем биргән мәктәп
Чыкмас истән гомер буена.

Ваша оценка: Нет Рейтинг: 7 (6 голосов)
« »