Туган авылым — Айбаш

Категория: көе һәм сүзләре

Балачак сукмагы буйлап атлап киләм,
Хатирәләр ташый күңелдә.
Әнкәемнең назлы, җылы күз карашы
Онытылмый әле бүген дә.

Туган авылым Айбаш, изге хатирәдәй
Саклыйм сине күңелем түрендә.
Якты йолдыз кебек, сүнмәс маяк булып,
Балкы мәңге гомерем күгендә.

Сабый чакта бергә йөгереп-уйнап үскән
Болыннарда йөрим моңланып.
Үткәндәге барлык өмет-хыялларым
Кала каеннарга уралып.

Туган авылым Айбаш, изге хатирәдәй
Саклыйм сине күңелем түрендә.
Якты йолдыз кебек, сүнмәс маяк булып,
Балкы мәңге гомерем күгендә.

Мин бәхетле Җирдә: әле һаман бар бит
Килеп сыеныр туган нигезем.
Язмышымның борма-борма юлларыннан
Туган якка кайтып килешем.

Туган авылым Айбаш, изге хатирәдәй
Саклыйм сине күңелем түрендә.
Якты йолдыз кебек, сүнмәс маяк булып,
Балкы мәңге гомерем күгендә.

Ваша оценка: Нет Рейтинг: 10 (1 голос)
« »