Безнең яшьлек әле узмаган

Категория: көе һәм сүзләре

Яз чәчәге умырзая кебек
Моңаясың нигә назлы гөлем?
Күрәсеңме, тормыш нинди ямьле,
Яшик, әйдә, җырлап, биеп, көлеп!

Нигә әле, нигә моңаерга
Язның шундый алсу таңында.
Җырланасы җырлар җырланмаган,
Безнең яшьлек әле узмаган.

Күзкәйләрең ник ямансу бүген,
Үпкәләвең елга ташуы кебек.
Онытыйк та барлык кайгыларны,
Яшик әле пар аккошлар кебек.

Нигә әле, нигә моңаерга
Язның шундый алсу таңында.
Җырланасы җырлар җырланмаган,
Безнең яшьлек әле узмаган.

Зәңгәр күктә яз кояшы кебек,
Торчы, иркәм, гел елмаеп-көлеп.
Яшьлек бит ул — безнең гомер язы,
Яшик әле шуның кадерен белеп.

Нигә әле, нигә моңаерга
Язның шундый алсу таңында.
Җырланасы җырлар җырланмаган,
Безнең яшьлек әле узмаган.

Ваша оценка: Нет Рейтинг: 8.8 (8 голосов)
« »