Гармунчы дустыма

Категория: көе һәм сүзләре

Кичке урам буйлап сихри көй агыла,
Үзәкләрнең өзелә кыллары.
Оста гармунчылар булган һәр авылда
Мәңге яшәр татар җырлары.

Сыздырып ла уйна, дускай, гармуныңны
Бар җиһанны моңга уратып.
Күңелләргә якты нур иңдерүче дип,
Искә алырлар сине яратып.

Син уйнасаң, дустым, хыял канатында
Очам гүя бәхет иленә.
Күңелемдә туган матур җырларымны
Багышлыймын туган җиремә.

Сыздырып ла уйна, дускай, гармуныңны
Бар җиһанны моңга уратып.
Күңелләргә якты нур иңдерүче дип,
Искә алырлар сине яратып.

Озын гомер телим, якын дустым, сиңа,
Бәхет-шатлык күмсен юлларың.
Туган-үскән илдә, мәңге бергә-бергә
Яңгыратыйк татар моңнарын.

Сыздырып ла уйна, дускай, гармуныңны
Бар җиһанны моңга уратып.
Күңелләргә якты нур иңдерүче дип,
Искә алырлар сине яратып.

Ваша оценка: Нет Рейтинг: 10 (1 голос)
« »