Безнең күңел (икенче вариант)

Категория: көе һәм сүзләре

Безнең күңел нигә моңлы икән,
Моң чишмәсе белән тулганмы?
Бүгенгедән үткәннәргә карап,
Сагынамы әллә узганны?

Безнең күңел нигә назлы икән,
Сөю утларында янганмы?
Мәңге бергә булу теләкләре
Йөрәкләрне биләп алганмы?

Безнең күңел нигә җирси икән,
Туган нигез әллә тартамы?
Без кайтасы юлдан моңсу гына
Җилләр кагып уза капканы.

Ваша оценка: Нет Рейтинг: 10 (1 голос)
« »