Яшьлегем шәһәре син, Казан

Категория: көе һәм сүзләре

Гомеремнең гүзәл мизгелләре
Үтте синдә татлы төш кебек.
Таныштырдың күпме дуслар белән,
Күңелләргә салдың зур өмет.

Әй, башкалам, изге хыялымда
Сине сагынып кайтам мин һаман.
Исмең кушам матур җырларыма,
Яшьлегем шәһәре син, Казан,
Бәхетем шәһәре син, Казан.

Рухландырдың батыр улларыңны
Ватан өчен бөек эшләргә.
Яшьлек дәрте тулы йөрәкләрдә
Синдә туды тәүге хисләр дә.

Әй, башкалам, изге хыялымда
Сине сагынып кайтам мин һаман.
Исмең кушам матур җырларыма,
Яшьлегем шәһәре син, Казан,
Бәхетем шәһәре син, Казан.

Синең изге, газиз туфрагыңда
Челтерәп ага илһам чишмәсе.
Кал йөрәктә моңлы җырым булып,
Күңелемнән мәңге китмә син.

Әй, башкалам, изге хыялымда
Сине сагынып кайтам мин һаман.
Исмең кушам матур җырларыма,
Яшьлегем шәһәре син, Казан,
Бәхетем шәһәре син, Казан.

Ваша оценка: Нет Рейтинг: 7.5 (2 голоса)
« »