Ераклардан балкып яна
Биектауның утлары.
Сөйкемле, сылу кызлары,
Эшкә уңган уллары.
Кайларга алып барса да
Юлларым урау-урау.
Һәрчак сине сагынып кайтам
Туган ягым Биектау.
Бер җир дә тиңләшә алмый
Туып-үскән төбәккә.
Челтерәп аккан чишмәләре
Шифа була йөрәккә.
Кайларга алып барса да
Юлларым урау-урау.
Һәрчак сине сагынып кайтам
Туган ягым Биектау.
Яшел хәтфә болыннарың
Рәхәтлек бирә җанга.
Иксез-чиксез урманнарың
Сузылган офыкларга.
Кайларга алып барса да
Юлларым урау-урау.
Һәрчак сине сагынып кайтам
Туган ягым Биектау.
Добавлено Nightingale в Пнд, 07/03/2011 - 11:33
«
»