Яз кояшы

Категория: көе һәм сүзләре

Яз килүен хәбәр итеп,
Якты кояш балкый күктә.
Яшәү дәрте һәр йөрәктә,
Яз шатлыгы һәр күңелдә.

Яктырак ян, яз кояшы,
Бар дөнья да уянсын.
Һәр кешенең дә йөзендә
Гел шатлык нуры уйнасын.

Зәңгәр күктә канат кага
Сыерчыклар, тургайлар.
Кышкы ап-ак юрганыннан
Арына болын-тугайлар.

Яктырак ян, яз кояшы,
Бар дөнья да уянсын.
Һәр кешенең дә йөзендә
Гел шатлык нуры уйнасын.

Гөрләвекләр ага челтерәп,
Елгалар ярларыннан ташый.
Язлар белән бар табигать,
Һәркем яңа тормыш башлый.

Яктырак ян, яз кояшы,
Бар дөнья да уянсын.
Һәр кешенең дә йөзендә
Гел шатлык нуры уйнасын.

Ваша оценка: Нет Рейтинг: 10 (4 голоса)
« »