Кунак кызлары

Җәйләр җиткәч, авылларга
Кайта кунак кызлары.
Шул кызларны күзләп йөри
Егетнең асыллары.

Эх, егетләр, мавыкмагыз,
Китәр кунак кызлары.
Очар кошларга алданып,
Югалтмагыз ярларны.

Йөрәкләрне яндырса да,
Бу — вакытлы мәхәббәт.
Җәйләр үтәр, күңелләрдә
Калыр ачы җәрәхәт.

Эх, егетләр, мавыкмагыз,
Китәр кунак кызлары.
Очар кошларга алданып,
Югалтмагыз ярларны.

Туган якның матурлыгын
Саклый авыл кызлары.
Тәүге ярлар йөрәкләрдә
Мәңгегә калсын әле.

Эх, егетләр, мавыкмагыз,
Китәр кунак кызлары.
Очар кошларга алданып,
Югалтмагыз ярларны.

Голосов пока нет
« »