Яра салмагыз йөрәкләргә

Бу тормышлар бигрәк катлаулы шул,
Үпкәләүләр була, дуслашу.
Якыннарның хәтерен калдырсак та,
Күңелләргә була ямансу.

Яра салмагыз сез йөрәкләргә,
Яшибез бит Җирдә бер генә.
Бөтен үпкәләрне онытыйк та,
Тату яшик әле без бергә.

Безнең гомер аккан сулар кебек,
Сизмисең дә аның үткәнен.
Тән ярасы бик тиз төзәлсә дә,
Җан ярасын булмый үткәреп.

Яра салмагыз сез йөрәкләргә,
Яшибез бит Җирдә бер генә.
Бөтен үпкәләрне онытыйк та,
Тату яшик әле без бергә.

Азмыни ул җанга рәхәт сүзләр,
Кызганмыйк без аның берсен дә.
Күңелләрне һәрчак җилкетсеннәр,
Бәхет-шатлык биреп һәркемгә.

Яра салмагыз сез йөрәкләргә,
Яшибез бит Җирдә бер генә.
Бөтен үпкәләрне онытыйк та,
Тату яшик әле без бергә.