Туган авылым (икенче вариант)

Яз җилләре инде капка какты,
Кошлар да бит кайта ашкынып.
Шул кошкайлар кебек, туган авылым,
Кайтам мин дә сине сагынып.

Туган авылым, газиз җирем,
Китмисең һич йөрәк түреннән.
Балачакның якты хатирәсе булып,
Яшисең гел минем күңелдә.

Сабый чакның гүзәл мизгелләре
Сиңа кайткач, кабат яңара.
Күңелемдә инде күптән йөргән
Кайгы-сагышларым тарала.

Туган авылым, газиз җирем,
Китмисең һич йөрәк түреннән.
Балачакның якты хатирәсе булып,
Яшисең гел минем күңелдә.

Күңелемә якын туган авылым,
Бик кадерле туган нигезем.
Бернигә дә алыштармас идем
Көмеш сулы якты инешең.

Туган авылым, газиз җирем,
Китмисең һич йөрәк түреннән.
Балачакның якты хатирәсе булып,
Яшисең гел минем күңелдә.

Ваша оценка: Нет Рейтинг: 10 (2 голоса)
« »