Ак карлар

Чорналды юлларга ак карлар,
Кавышты тагын да күп парлар.
Ак карлар салкынлы, ак карлар,
Ялгыз каеннарны кем барлар?

Әллә син, әллә син, әллә син
Киләсеңме әллә яныма?
Чорналып ак карлы буранга
Син чыгарсың кебек юлыма.

Ак карларны юлда аралап,
Чаба пар ат ялларны тарап.
Юл читендә кала каеннар,
Моңаеп парлыларга карап.

Әллә син, әллә син, әллә син
Киләсеңме әллә яныма?
Чорналып ак карлы буранга
Син чыгарсың кебек юлыма.

Чорналды юлларга ак карлар,
Яңа җыр көйли яңа парлар.
Белеп алып көен аларның,
Баш игән каеннар да җырлар.

Әллә син, әллә син, әллә син
Киләсеңме әллә яныма?
Чорналып ак карлы буранга
Син чыгарсың кебек юлыма.