Кәккүк (бишенче вариант)

Категория: көе сүзләре

Кыйгак-кыйгак кыр казлары
Очып киттеләр ерак.
Бер уйландым, бер моңландым
Утырып еламадым чак.

Кәккүк, кәккүк, сайра кошым,
Санамыйча елларым.
Ходай биргән хозур дөнья —
Сорыймын дәвамнарын.

Вакыт-вакыт агымсудай
Яшь гомерләр тиз үтә.
Сөеп-сөелеп яшәүгә
Бу дөньяда ни җитә…

Кәккүк, кәккүк, сайра кошым,
Санамыйча елларым.
Ходай биргән хозур дөнья —
Сорыймын дәвамнарын.

Йөрәк, йөрәк, басыл берүк,
Җитәр инде ярсыма.
Озын юллар, текә үрләр
Үтәсе бар, арыма.

Кәккүк, кәккүк, сайра кошым,
Санамыйча елларым.
Ходай биргән хозур дөнья —
Сорыймын дәвамнарын.

Голосов пока нет
Бу җыр репертуарында бар
« »