Туган илдән читтә, еракта
Бер сандугач моңын тыңладым,
Сагынгуга, сары сагышка
Түзә алмый кушылып җырладым.
Сайра, сайра, сандугачым,
Кызыл карлар бурап яуганчы.
Кайтып калыйм әле илемә
Чит җирләрдә ятып калганчы.
hәр мизгеле сагыш чит илнең,
Сандугачым, ярый син килдең.
Башкаемны салып җилләргә,
Кайтам, кайтам туган җирләргә.
Сайра, сайра, сандугачым,
Кызыл карлар бурап яуганчы.
Кайтып калыйм әле илемә
Чит җирләрдә ятып калганчы.
Серен бирми йөрәк ятларга.
Уйлар очты туган якларга.
Сандугачлар кунып тирәккә
Үзәкләрне өзгән чакларга…
Сайра, сайра, сандугачым,
Кызыл карлар бурап яуганчы.
Кайтып калыйм әле илемә
Чит җирләрдә ятып калганчы.
Бу җыр Айдар Галимов репертуарында бар
Добавлено КуЗя в СР, 13/04/2011 - 13:00
«
»