Мөкәрәмә

Сез дә килгәнсез икән дә,
Без дә килгәнбез икән.
Җаным сөйгән дуслар килгән,
Бер җырлап алыйм микән.

Эй, Мәккә — Мөкәрәмә,
Мәдинә, Мөнәвәрә.
Эчендәге серләреңне
Сөйләмә берәүгә дә.

Кайнәләр кунактан кайта,
Кулларында чумадан,
Чумаданның эчләренә
Сыер гына сыймаган.

Эй, Мәккә — Мөкәрәмә,
Мәдинә, Мөнәвәрә.
Эчендәге серләреңне
Сөйләмә берәүгә дә.

Кайнәләр кунакка бара,
Кулларында сумочка,
Сумочканың эчләрендә
Биш тиенлек булочка.

Эй, Мәккә — Мөкәрәмә,
Мәдинә, Мөнәвәрә.
Эчендәге серләреңне
Сөйләмә берәүгә дә.

Беренче хатын Миләүшә,
Икенчесе — Рәйсә.
Өченчесен дә алырбыз
Рәйсәсе кәкерәйсә.

Ваша оценка: Нет Рейтинг: 9.7 (9 голосов)
Бу җыр репертуарында бар « »