Яңа ел вальсы

Ап-ак дөнья тынып калган,
Тарафларда бетмәс сагыш.
Яшьлегемне эзләп киләм,
Син дә ияр миңа язмыш.

Карлар ява, карлар ява
Өерелеп тирә юньдә,
Карлар түгел, моңнар ява
Сагыш салып йөрәгемә.

Ерак еллар арасында,
Сөйгәнемнең эзе калган.
Син минеке, мин синеке
Дигәннәре истә һаман.

Карлар ява, карлар ява
Өерелеп тирә юньдә,
Карлар түгел, моңнар ява
Сагыш салып йөрәгемә.

Кояш бата бик еракта,
Офыкларда еллар яна.
Яшьлектәге эзләремә
Талгын гына карлар ява.

Карлар ява, карлар ява
Өерелеп тирә юньдә,
Карлар түгел, моңнар ява
Сагыш салып йөрәгемә.

Ваша оценка: Нет Рейтинг: 8.7 (9 голосов)
Бу җыр , , репертуарында бар « »