Әлфия (икенче вариант)

Кашың кара, буең зифа,
Сөрмәле зур күзләрең.
Мәхәббәт утын кабыздың,
Өзгәләнә үзәгем.

Әлфиям — күз нурым,
Син минем йөрәк җырым.
Әлфиям — гөлчәчәк,
Сине сөеп гомерем үтәчәк.

Сугыш бетеп илгә кайттым,
Өметем синдә иде.
Әйттермәдең — үзең әйтмәдең
Сөям, дип, син мине.

Әлфиям — күз нурым,
Син минем йөрәк җырым.
Әлфиям — гөлчәчәк,
Сине сөеп гомерем үтәчәк.

Көтмәгәндә син югалдың,
Калды ярсый ятим күңлем.
Әйт, бәгърем, әйт, акыллым,
Мине кемнән ким күрдең?

Әлфиям — күз нурым,
Син минем йөрәк җырым.
Әлфиям — гөлчәчәк,
Сине сөеп гомерем үтәчәк.

Варианты песни

Ваша оценка: Нет Рейтинг: 9.4 (5 голосов)
« »