Кайттым сиңа

Категория: көе сүзләре

Җилфер-җилфер җил искәндә,
Дулкын уйный күлләрдә.
Иркәмне иркәләгез дип,
Куштым искән җилләргә.

Җилфер-җилфер җил искәндә,
Бөркән зәңгәр шәлеңне.
Таң атканда таң җиленнән
Сора минем хәлемне.

Җилфер-җилфер җил искәндә,
Бөгелә-сыгыла бөдрә тал.
Җил шикелле кайттым сиңа,
Тизрәк чыгып каршы ал.

Җилфер-җилфер җил искәндә,
Җырлар җырлый ак каен.
Сагынып кайттым, кил яныма,
Кил кояшым, кил аем.

Ваша оценка: Нет Рейтинг: 10 (1 голос)
« »