Биючеләр бииләр,
Көе килми димиләр.
Өфе — Чиләбе,
Пешә кура җиләге.
Бииләр, бииләр,
Көе килми димиләр.
Өфе — Чиләбе,
Яна микән йөрәге?
Бас-бас эзенә,
Күз тимәсен үзеңә.
Өфе — Чиләбе,
Кабул булсын теләге!
Яшел чирәм үсеп бара
Аяк баскан эзеңә.
Өфе — Чиләбе,
Пешә кура җиләге.
Әтнәдән килгән егет,
Ефәк күлмәген киеп.
Өфе — Чиләбе,
Яна микән йөрәге?
Ары китеп, бире килеп,
Нишләп йөрисең биеп?
Өфе — Чиләбе,
Кабул булсын теләге!
Биюченең итәге
Бии-бии кыскара.
Өфе — Чиләбе,
Пешә кура җиләге.
Биючегә сүз әйтмәгез,
Бии-бии остара.
Өфе — Чиләбе,
Яна микән йөрәге?