Җирдә кеше булу өчен
Кеше күпме юллар үтә.
Ашкын, кешем! Сине җирдә
Еллар көтә, юллар көтә.
Күкне ярып очкан чакта,
Янып төшсәк беркөн әгәр,
Көрәш җыры булып кайтсын,
Кайтсын җиргә безнең хәбәр!
Безнең эзне саклар таулар,
Шашкын җилләр, якты дала.
Килә кеше, китә кеше—
Еллар кала, юллар кала.
Җирдә кеше булу өчен
Кеше күпме юллар үтә.
Ашкын, кешем! Сине һаман
Еллар көтә, юллар көтә.