Туктады моң. Телләремдә
Ычкыналмый калды сүзем.
Туктады моң.
Өлгермәдем, киттем читкә,
Мин, янәсе, сабыр, түзем,
Мин, янәсе, сабыр, түзем.
Көтмәдемме кулларыңа
Кулларымның кагылырын?
Нигә кинәт югалдың соң,
Нигә кинәт югалдың соң,
Көттем моңның агылырын,
Көттем моңның агылырын.
Туктады моң.
Йөрәгемме капыл шулай
Туктап калды?
Туктады моң.
Ничә еллар көтмәдемме
Бүгенгедәй якты таңны,
Бүгенгедәй якты таңны?
Көтмәдемме кулларыңа
Кулларымның кагылырын?
Нигә кинәт югалдың соң,
Нигә кинәт югалдың соң,
Көттем моңның агылырын,
Көттем моңның агылырын.
Туктады моң. Инде, җаным,
Сүзләремне әйтә алмам.
Туктады моң.
Тик гомергә әрнеп сызлар
Йөрәгемдә синең яраң,
Йөрәгемдә синең яраң…
Көтмәдемме кулларыңа
Кулларымның кагылырын?
Нигә кинәт югалдың соң,
Нигә кинәт югалдың соң,
Көттем моңның агылырын,
Көттем моңның агылырын.