Бураннарга каршы барам (беренче вариант)

Күңелемә тиңдәш итәм
Ярсыган бураннарны.
Давылларга каршы атлап,
Әйләнәм урамнарны.
Давылларга каршы барам,
Офык ачылмас кебек.
Йөрәгемнең янулары,
Мәңге басылмас кебек.

Йөрәгемә тынгы тапмый,
Үрсәләнгән чакларым,
Нишләргә белми каңгырып,
Өзгәләнгән чакларым!

Бер мөгҗиза булыр кебек (сымак)
Мәхәббәт хакларына —
Алып китәр төсле давыл
Мине яшь чакларыма.
Алып китәр төсле давыл
Минем сагышларымны,
Сиңа илтеп кушар төсле
Минем язмышларымны.

Йөрәгемә тынгы тапмый,
Үрсәләнгән чакларым,
Нишләргә белми каңгырып,
Өзгәләнгән чакларым!

Өркөтерлек түгел мине,
Давыллы урамнары.
Йөрәгемдә купкан бүген
Мәхәббәт бураннарын.
Нишләп кенә килдең икән
Адашкан язмыш булып,
Сулышым өзелгәндә дә,
Өзелмәс сагыш булып?!

Йөрәгемә тынгы тапмый,
Үрсәләнгән чакларым,
Нишләргә белми каңгырып,
Өзгәләнгән чакларым!

Ваша оценка: Нет Рейтинг: 8 (3 голоса)
« »