Бәлки син үзедер

Син минем һәр сүзгә
Шикләнеп карама
Мавыгулар, уен бар,
Син чынга санама.

Мин эзлим кемнедер,
Мин көтәм кемнедер,
Бәлки, син үзедер,
Бәлки, син түгелдер.

Мавыгулар, уеннар
Үтә бит, шуңарга .
Ашыкмыйк аларны
Сөюгә юрарга.

Мин эзлим кемнедер,
Мин көтәм кемнедер,
Бәлки, син үзедер,
Бәлки, син түгелдер.

Күңел гел яшь әле,
Белгәне җыр гына.
Эзләнер, сайланыр,
Яратыр чор гына.

Мин эзлим кемнедер,
Мин көтәм кемнедер,
Бәлки, син үзедер,
Бәлки, син түгелдер.

Ваша оценка: Нет Рейтинг: 9.4 (8 голосов)
« »